روزے کی حالت میں ناک، کان یا آنکھ میں دوا ڈالنے کا کیا حکم ہے؟

روزے کی حالت میں ناک، کان یا آنکھ میں دوا ڈالنے کا کیا حکم ہے؟
الف: مکروہ ہے اور اگر گلے تک پہنچ جائے تو روزہ باطل ہو جاتا ہے: امام خمینی، بہجت، رہبر، صافی۔
ب: اگر نہ جانتا ہوں کہ دوا گلے تک پہنچے گی یا نہیں تو مکروہ ہے لیکن اگر جانتا ہو کہ گلے تک پہنچ جائے گی تو جائز نہیں ہے: اراکی، تبریزی، خوئی، سیستانی، زنجانی، فاضل لنکرانی۔
وضاحت: اگر خود دوا گلے تک نہ پہنچے لیکن اس کا مزہ یا بو گلے تک پہنچ جائے تو روزہ باطل نہیں ہو گا۔
منبع: رہ توشہ راھیان نور، رمضان ۱۳۹۲ ص ۵۹

سوال: ماہ مبارک رمضان میں علاج کے لیے اسپرے کے استعمال کا کیا حکم ہے؟
جواب: کوئی اشکال نہیں رکھتا: امام خمینی، رہبر معظم، آیت اللہ سیستانی، فاضل لنکرانی اور جواد تبریزی۔
ضرورت کی حد تک روزے کو باطل نہیں کرتا: نوری ہمدانی
اگر باریک گیس کی صورت میں بدن میں داخل کی جائے تو کوئی اشکال نہیں ہے: مکارم شیرازی۔
نازک گیس روزے کو باطل نہیں کرتی لیکن غلیظ باطل کر دیتی ہے: بہجت
اگر اسے منہ میں ڈالیں اور اس کی بو کو سونگھائیں  لیکن منہ سے تھوک دیا جائے اور گلے تک نہ پہنچے تو کوئی اشکال نہیں ہے: صافی
منبع: مکارم، استفتائات، ج۱، س ۲۸۵؛ رہبر انقلاب، استفتائات مرکز ملی؛ نوری، استفتائات، ج۲، س ۲۵۰؛ فاضل: جامع المسائل، س۵۵۰؛ امام، استفتائات، ج۱ ص۳۰۶ س۷۔