![ہندوستان کا صیہونی حکومت سے ڈرون خریدنے کا منصوبہ ہندوستان کا صیہونی حکومت سے ڈرون خریدنے کا منصوبہ](https://erfan.ir/system/assets/imgArticle/2015/09/71177_kk.jpg)
تسنیم خبر رساں ایجنسی کی رپورٹ کے مطابق حکومت ہندوستان نے ہندوستان کے سرحدی علاقوں میں فوجی توانائی کی تقویت کے لئے صیہونی حکومت سے دس ڈرون طیارے خریدنے کے لئے چالیس کروڑ ڈالر مالیت کا منصوبہ منظور کر لیا ہے-
اطلاعات کے مطابق یہ ڈرون طیارے جنگی، امدادی اور جاسوسی کے امورانجام دیں گے-
ہندوستانی وزارت دفاع کے ایک اعلی عہدیدارنے اپنا نام ظاہرنہ کرنے کی شرط پربتایا کہ اس منصوبے پرعمل درآمد کی نگرانی کی ذمہ داری اعلی سرکاری عہدیداروں کے سپرد کی گئی ہے اورآئندہ ایک سال کے اندریہ ڈرون طیارے ہندوستانی فضائیہ کو مل جائیں گے-
دوہزاربارہ میں بھی ہندوستان کی مسلح افواج نے اسی طرح کا ایک منصوبہ پیش کیا تھا لیکن اس کو سیاسی حمایت اور تائید نہیں مل سکی تھی-
اطلاعات کے مطابق صیہونی حکومت کی ایرواسپیس صنعت کا ایک اعلی عہدیدار ہندوستان کو ڈرون طیاروں کی فروخت کے معاہدے کے بارے میں مزید اورحتمی بات چیت کے لئے اس وقت نئی دہلی میں ہے-
source : abna