بین الاقوامی: بحرین کی وزارت قانون نے اعلان کیا ہے کہ بحرین میں منہدم ہونے والی شیعہ مساجد کو دوبارہ تعمیر کیا جائےگا یہ فیصلہ امریکی صدر باراک اوباما کی بحرین میں شیعہ مساجد گرائے جانے پر تنقید کے بعد کیا گیا۔
خبررساں ایجنسی شبستان کی رپورٹ کے مطابق بحرین میں آل خلیفہ کے ہاتھوں ۲۵۳ مساجد اور امابارگاہیں گرائی گئی ہیں اور ۵۰ قرآنی نسخے اور ۵۰۰ دعاؤں کی کتب جلائی گئی ہیں۔
امریکی صدر باراک اوباما نے اپنے حالیہ خطاب میں بحرین میں سیاسی اصلاحات کا مطالبہ کرنے والے مظاہرین پر تشدد پر تنقید کی ہے اور مظاہرین پر ظلم و تشدد بند کرنے کا مطالبہ کیا ہے۔
باراک اوباما نے مزید کہا ہے کہ بحرین میں شیعہ مساجد کو نہیں گرانا چاہیے۔
یاد رہے کہ امریکی صدر باراک اوباما کے اس خطاب کے بعد بحرین کی وزارت قانون نے اعلان کیا ہے کہ گرائی گئی مساجد کو دوبارہ تعمیر کیا جائے گا۔
source : http://www.shabestan.net