بین الاقوامی : تحریک اسلامی فلسطین کے نائب صدر نے خبردار کیا ہے کہ صیہونی حکومت مسجد الاقصی اور مقبوضہ بیت المقدس میں کھدائی کیلئے کیمیکلز کا استعمال کررہی ہے۔
خبررساں ایجنسی شبستان کی رپورٹ کے مطابق تحریک اسلامی فلسطین کے نائب صدر شیخ کمال الخطیب نے انکشاف کیا ہے کہ مقبوضہ بیت المقدس اور مسجد الاقصی کی زیر زمین کھدائی میں صیہونی حکومت کیمیکلز استعمال کررہی ہے تاکہ اس کی بنیادیں کمزور ہوسکیں اور کسی بھی بمب دھماکے یا زلزلے سے مسجد الاقصی کو گراکر مقدس معبد کو تعمیر کیا جاسکے۔
فلسطینی ذرائع ابلاغ کی رپورٹ کے مطابق مسجد الاقصی کے نیچے ہونے والی اس کھدائی کی وجہ سے گھڑا بن گیا ہے جس کی وجہ سے مسجد کی دیواریں اور بنیادیں کمزور ہورہی ہیں جو اس مسجد کیلئے بہت خطرناک ہے۔
source : http://www.shabestan.net