ایرانی اور مصری ممتاز قراء کی شرکت سے ۲۰قرآنی محافل کا انعقاد

قرآنی: تہران میں قرآن کریم کے ۲۹ویں بین الاقوامی قرآنی مقابلوں کے انعقاد کے ساتھ ساتھ ۲۰قرآنی محافل منعقد ہورہی ہیں جن میں ایران اور مصر کے ممتاز قراء شرکت کریں گے۔

خبررساں ایجنسی شبستان کی رپورٹ کے مطابق تہران میں ۲۹ویں بین الاقوامی قرآنی مقابلوں کے انعقا دکے ساتھ ساتھ ۲۰قرآنی محافل منعقد ہو رہی ہیں جن میں مصر کے ممتاز قراء کے علاوہ،تہران، خراسان رضوی اور سیستان وبلوچستان کے بین الاقوامی قراء شرکت کریں گے۔

موصولہ رپورٹ کے مطابق مصرکے دوممتاز اور نامور قاری محمود شمیس اور احمد احمد نعینع ان قرآنی محافل میں شرکت کرنے کے لیے ایران کے سفرپرآرہے ہیں۔

اس رپورٹ میں مزید آیا ہے کہ بین الاقوامی قرآنی مقابلوں کے انعقاد کے ساتھ ساتھ ہمیشہ قرآنی محافل منعقد کی جاتی ہیں تاکہ ملک میں ایک مناسب قرآنی ماحول فراہم کیا جائے اور لوگوں کو اس عظیم قرآنی پروگرام میں شامل کیا جائے۔

قابل ذکر ہے کہ رسول اکرم صلی اللہ علیہ وآلہ سلم کی بعثت کی مناسبت سے ۱۷جون کو ۲۹ویں بین الاقوامی قرآنی مقابلے منعقد ہورہے ہیں ۔