مساجد،اسلامی عقائد اوراحکام کے بیان کرنے کا قلعہ ہیں

سماجی: ایران کے صوبہ سیستان وبلوچستان کے محکمہ اسلامی تبلیغات کے سربراہ نے کہا ہے کہ مساجد،عالمی استکبارکے سازشوں کے مقابلے میں اسلامی عقائد اوراحکام بیان کرنے کا قلعہ ہیں۔

صوبہ سیستان بلوچستان کے محکمہ اسلامی تبلیغات کے سربراہ حجۃ الاسلام والمسلمین صفرقربا پورنے شبستان کے نامہ نگارسے بات چیت کے دوران کہا ہے کہ مسلمانوں کے نزدیک مسجد ایک مقدس ترین مقام ہے۔

انہوں نے مسجد کوبہترین سرگرمیوں کا سرچشمہ قراردیتے ہوئے کہا ہے کہ مسجد معاشرے میں الہی اہداف اورمقاصد کے تحفظ کا قلعہ ہے۔

انہوں نے مساجد کے بورڈ آف ٹرسٹیز کی جانب سے پورے سال کے لیے ایک تحریری پروگرام کی ضرورت پرزوردیتے ہوئے کہا ہے کہ مسجد کے اصحاب کو ملک کی پالیسیوں کے ساتھ ساتھ حرکت کرنی چاہیے۔

انہوں نے مساجد کولوگوں اورعہدیداروں کے درمیان ارتباطی پل قراردیتے ہوئے کہا ہے کہ مسجد،لوگوں کے اجتماعات کا ایک مقدس مقام ہے۔

انہوں نے تین وقت میں خوبصورت آواز میں مساجد کے لاوڈ اسپیکروں سے اذان کی آواز کوایک عالمی لہرقراردیتے ہوئے کہا ہے کہ پورے سال میں قرآنی پروگراموں کے انعقاد کومساجد کے اصلی پروگراموں میں سے ہونا چاہیے