نیروبی کی ایک مسجد کے قریب بم دھماکہ

خبررساں ایجنسی شبستان نے الیوم السابع کے حوالے سے نقل کیا ہے کہ اسٹینڈرڈ ڈیجیٹل نیوز سائٹ کی رپورٹ میں آیا ہے کہ گزشتہ رات ایک نامعلوم شخص نے نماز عشاء کے بعد کینیا کے شہر نیروبی کی ایک مسجد سے نکلنے والے نمازیوں کی جانب ایک بم پھینکا ہے جس کی وجہ سے تین افراد جاں بحق اور آٹھ افراد زخمی ہو گئے ہیں۔
اس نیوزسائٹ نے کہا ہے کہ کینیا کی پارلیمنٹ کے ایک رکن یوسف حسن بھی اس بم دھماکے میں زخمی ہوگئے ہیں۔اس واقعہ کے فورا بعد جماعت قومی وحدت کے رکن یوسف حسن کو دیگر زخمیوں کے ہمراہ ہسپتال منتقل کر دیا گیا ہے۔ اس واقعہ میں یوسف حسن کے پاوں کی ہڈی ٹوٹ گئی ہے لیکن دیگر چھ افراد کی حالت تشویش ناک بتائی جا رہی ہے۔
موصولہ رپورٹ کے مطابق اس بم دھماکے کے بعد لوگوں نے مظاہرہ کیا ہے اور پولیس کے کنٹرول کرنے سے پہلے جوانوں نے ٹائروں کو آگ لگا کر سڑکوں کو بلاک کر دیا ہے۔
قابل ذکر ہے کہ کینیا کے حکام نے صومالیہ کے جوانوں کی مسلح تحریک کو اس حملے کا ذمہ دارٹھہرایا ہے۔