![ایران کی ایٹمی سرگرمیوں میں کسی قسم کی کوئی تبدیلی نہیں ہوگی ایران کی ایٹمی سرگرمیوں میں کسی قسم کی کوئی تبدیلی نہیں ہوگی](https://erfan.ir/system/assets/imgArticle/2013/11/46384_64799_461296.jpg)
ابنا: وزیر خارجہ محمد جواد ظریف نے تھران میں اقتصادی تعاون کی تنظیم اکو کے وزراء خارجہ کے 21 ویں اجلاس کے اختتام پر صحافیوں سے گفتگو میں ایران و گروپ پانچ جمع ایک کے درمیان ہونے والے جوہری معاہدے کی شقوں کی وضاحت کی۔ وزیر خارجہ نے کہا کہ اس سمجھوتے میں صراحت کے ساتھ تاکید کی گئی ہے کہ پہلے مرحلے سے لیکر حتمی مرحلے تک ایران کے سرزمین میں جوہری پروگرام اور یورینیم کی افزودگی کا عمل جاری رہے گا۔
محمد جواد ظریف نے اس بات کا ذکر کرتے ہوئے کہ جوہری سرگرمیوں کے حوالے سے تشویشوں کو دور کرنے کے لئے ایران کے پاس اچھے پروگرام ہیں، کہا کہ جنیوا معاہدے کی شقوں کی بنیاد پر جس طرح ایران کے بعض پروگراموں کو محدود و عارضی کہا گیا ہے، مقابل فریق کے بھی بعض اقدامات اسی طرح ہیں جس میں پابندیوں میں اضافہ نہ کرنا بھی شامل ہے۔
انہوں نے ایران اور گروپ پانچ جمع ایک کے درمیان تعاون کی دستاویز میں رکھے جانے والے موضوعات خاص طور پر پابندیوں کو اٹھائے جانے کے بارے میں کہا کہ ان دستاویز میں جوہری مسئلے سے مربوط دوجانبہ و چند جانبہ اور اقوام متحدہ کی سلامتی کونسل کی تمام پابندیوں کو ختم کرنے کو نظر میں رکھا گیا ہے۔
انہوں نے کہا کہ بعض غیر قانونی پابندیاں منجملہ ایران کے اثاثوں کو ملک کے اندر لانا کہ جو تیل کی درآمد سے حاصل ہوتے ہیں اور بینکنگ کے شعبے کے حوالے سے عائد کی جانے والی پابندیاں فوری طور پر اٹھا لی جائیں گی۔ اسلامی جمہوریہ ایران کے وزیر خارجہ نے وضاحت کی کہ اگر جوہری مسئلہ میں مد مقابل فریق کے درمیان سیاسی عزم و ارادہ موجود ہو تو اس مسئلہ کے حل میں کوئی مشکل پیش نہیں آئے گی۔
source : abna