مصر کے معروف عالم دین "تاج الدین ھلالی" نے "علماء اسلام کے نقطۂ نظر سے انتہا پسند اور تکفیری تحریکوں پر عالمی کانفرنس" کو خطاب کیا۔انہوں نے اس کانفرنس کے انعقاد کی خاطر آیۃ اللہ مکارم شیرازی کے اہم اقدام کی قدر دانی کرتے ہوئےکہا:تکفیری ٹولوں نے مذھبی جنگ کے بہانے اور پرچم لا الہ الا اللہ کی آڑ میں حرمتوں کو پامال کیا ہے اور مسلمان خواتین اور مردوں کا خون بہانے پر کمر ہمت باندھی ہے۔
انہوں نے کہا:ہم اس کانفرنس میں حاضر ہوکر اس بات کا اعلان کرتے ہیں کہ ہم اپنی پوری قوت و توانائی کے ساتھ تکفیریوں کا مقابلہ کریں گے اور جو لوگ "اللہ اکبر" کے نعرہ کے ساتھ اسلامی مقدسات کے خلاف جنگ لڑ رہے ہیں،ہم انکا ڈٹ کر مقابلہ کریں گے اور انکی جڑیں سکھا دیں گے۔
آخر میں تاج الدین ھلالی نے اس بات کی طرف اشارہ کرتے ہوئے کہ تکفیری ٹولیاں شام، عراق، لیبیا، یمن اور دیگر اسلامی ممالک کو نابود کرنے کے لئے میدان میں آئی ہیں،کہا:ہماری اولاد کو ایک واقعی امن و سکون کی ضرورت ہے اور عالم اسلام کے علماء کا یہ فریضہ ہے کہ اپنے اتحاد اور اجماع کے ساتھ تکفیریوں کے مقابلہ کے لئے اٹھ کھڑے ہوں اور انکی بنیادوں کو نیست و نابود کر دیں۔
source : www.abna.ir