تکریت میں داعش سے وابستہ ۴۵ دھشتگرد ہلاک

مصر سے شا ئع ہونے والے اخبارالیوم السابع کی ویب سائٹ کی رپورٹ کے مطابق تکریت کے جنوب میں سکیورٹی فورسز اور رضا کار دستوں کی کارروائی کے دوران 45 سلفی تکفیری داعش دہشت گرد ہلاک کردیئے گئے ہیں۔ واضح رہے کہ عراقی وزیر اعظم حیدر العبادی نے حال ہی میں کہا تھا کہ تکریت کو ایک ماہ کے اندر داعش دہشت گردوں سے پاک کردیا جائے گا۔ دوسری جانب عراق اور شام میں داعش دہشت گرد تنظیم کے سرغنہ ابو بکر بغدادی نے عراقی فوج کے ہاتھوں شکست کھانے والے 56 داعش دہشت گردوں کے سرقلم کرنے کا حکم دیا ہے۔ المنار کی رپورٹ کے مطابق عراقی کردستان کی ڈیموکریٹک پارٹی کے ذرائع ابلاغ کے سربراہ سعید مموزینی نے اعلان کیا ہے کہ سلفی وہابی داعش دہشت گردوں کے خود ساختہ اور نام نہاد خلیفہ ابو بکر بغدادی نے 56 داعش دہشت گردوں کے سر قلم کرنے کا حکم صادر کیا ہے جو اربیل کے علاقہ کویر میں عراقی فورسز کا مقابلہ کرنے کے بجائے فرار ہوگئے تھے۔ مموزینی نے کہا کہ حال ہی میں سنی کردوں نے 400 سلفی وہابی داعش دہشت گردوں کو ہلاک کردیا ہے۔