کوبانی شہر سے داعش کا صفایا، کرد فورس کی فتح کا اعلان

شام کی کرد فورس نے کوبانی شہر سے دھشتگردوں کا مکمل صفایا کر دیا ہے۔

اہل بیت(ع) نیوز ایجنسی۔ابنا۔ شام کی کرد فورس نے کوبانی شہر سے دھشتگردوں کا مکمل صفایا کر دیا ہے۔
شامی حکومت کے مخالف ادارے ہیومن رائٹس واچ نے اعلان کیا ہے کہ کرد فورس نے کوبانی شہر سے مسلح افراد کو نکال باہر کر دیا ہے اور اس شہر پر اپنا قبضہ حاصل کر لیا ہے۔
کرد فورس نے دھشتگردوں کے ساتھ شدید جنگ کرنے کے بعد اتوار کی صبح کو اس شہر کے آخر مورچے کو بھی فتح کر لیا اور اس شہر میں موجود مدرسے شریعت اور مسجد سیدان کو اپنے کنٹرول میں لے لیا۔
پیر کی صبح کو لوگوں نے کوبانی شہر میں داعش کے لگے جھنڈوں کو اکھاڑ کر اپنا پرچم لہرا دیا۔
کرد ٹی وی چینل نے بھی کوبانی شہر میں کرد فورس کی فتح کا اعلان کر دیا ہے جبکہ کوبانی شہر کے ڈپٹی کونسل ''اوجلان ایسو‘‘ نے بھی اس خبر کی تائید کرتے ہوئے کہا ہے کہ داعش کا کوبانی شہر سے مکمل طور پر صٖفایا ہو گیا ہے۔
واضح رہے کہ چاہ ماہ قبل دھشتگرد ٹولے داعش نے شام کے شہر کوبانی پر قبضہ کر لیا تھا جبکہ کرد فورس مسلسل داعش سے اس شہر میں بر سر پیکار رہی ہے، تجزیہ نگاروں کا کہنا ہے کہ داعش نے کوبانی میں اپنے ایک ہزار سے زیادہ عناصر کو موت کے منہ میں دھکیل دیا ہے۔