![شیخ علی سلمان کی رہائی کے لیے بحرین میں مظاہرے بدستور جاری شیخ علی سلمان کی رہائی کے لیے بحرین میں مظاہرے بدستور جاری](https://erfan.ir/system/assets/imgArticle/2015/02/54234_78582_429143_m.jpg)
بحرینی شہریوں نے ملک کے مختلف علاقوں میں نماز جمعہ کے بعد وسیع پیمانے پر مظاہرے کیے اور شیخ علی سلمان کی رہائی کا مطالبہ کیا- خبروں کے مطابق الدراز کے علاقے میں عوام نے پرامن مظاہرہ کیا جبکہ آل خلیفہ کی سیکورٹی فورسز نے رکاوٹیں کھڑی کر کے راستے بند کر دیے اور مظاہرین کے خلاف طاقت کا استعمال اور ان پر تشدد کیا- مظاہرین نے شیخ علی سلمان کی تصاویر اٹھا رکھی تھیں اور وہ ان کی رہائی کا مطالبہ کر رہے تھے- مظاہرین نے نعرے لگاتے ہوئے اس بات پر زور دیا کہ آل خلیفہ کی شاہی حکومت تشدد آمیز اقدامات انجام دینے، انسانی حقوق کی خلاف ورزی، ملت بحرین کے خلاف اشتعال انگیز اقدامات اور مخالف سیاسی رہنماؤں کو گرفتار کرنے کی بنا پر اپنی قانونی حیثيت کھوچکی ہے- یادرہے کہ شیخ علی سلمان کی رہائی کے لئے بحرینی عوام گزشتہ چالیس روز سے مظاہرے کر رہے ہیں اور یہ مظاہرے بدستور جاری ہیں-
۔۔۔
source : www.abna.ir