افغان حکومت نے طالبان سے جنگ بندی کی اپیل کی

افغانستان کے چیف ایگزیکٹو عبداللہ عبداللہ نے افغانستان اور دنیا کے دیگر ممالک کے مسلمانوں کو ماہ رمضان کی مبارک باد پیش کرتے ہوئے کہا کہ اگر مخالفین امن مذاکرات کے خواہاں ہیں تو اس کے لئے اپنے عزم کا اظہار کریں- انہوں نے طالبان سے اپیل کی کہ بے گناہ عام شہریوں کے قتل عام اور دہشت گردانہ حملے بند کریں- عبداللہ عبداللہ نے کہا کہ اس سال ماہ رمضان کی آمد ایسے حالات میں ہو رہی ہے کہ افغانستان میں ہر روز بم دھماکے ہو رہے ہیں اور بے گناہ لوگوں کا قتل ہورہا ہے- اس سے پہلے افغانستان کی علما کونسل نے بھی طالبان سے رمضان میں جنگ بندی کی اپیل کی تھی- ادھر طالبان نے یہ اپیل مسترد کردی ہے اور کہا ہے کہ وہ جنگ جاری رکھیں گے-