یمن میں سعودی رجیم کے خلاف شدید احتجاجی مظاہرے

اہل بیت(ع) نیوز ایجنسی۔ابنا۔ جمعہ کے روز یمن کے دار الحکومت صنعا میں لاکھوں افراد نے آل سعود کی جارحیت کے خلاف احتجاجی مظاہرہ کیا۔
یمن پر مسلسل کئی مہینوں سے سعودی حکومت اور اس کے اتحادیوں کا تشدد جاری ہے جس کی وجہ سے ہزاروں بے گناہ شہری جن میں عورتیں اور بچے بھی شامل ہیں اپنی زندگیوں سے منہ ہاتھ دھو بیٹھے ہیں۔
صنعا میں جعمہ کے روز ہوئے احتجاجی مظاہروں میں شرکت کرنے والوں نے امریکہ اسرائیل اور اس کے پیٹھو سعودی عرب کے خلاف فلک شگاف نعرے لگائے۔
مظاہرین نے اس مرتبہ اقوام متحدہ کے خلاف بھی نعرے لگائے جو اس ملک میں ہوئے ظلم و بربریت کا صرف تماشا دیکھ رہا ہے اور اقوام متحدہ کے سکریٹری جنرل بان کی مون صرف مذمت کرنے کی حد زبان کھولتے ہیں۔
واضح رہے کہ اقوام متحدہ کی رپورٹ کے مطابق سعودی عرب نے یمن میں کلسٹر بموں کا استعمال کیا ہے۔