یمنی ذرائع کے مطابق سعودی حکومت کے لڑاکا طیاروں نے منگل کے روز صوبہ حجہ کے شہر مستبا میں ایک بازار پر اس وقت بمباری کردی جب سیکڑوں کی تعداد میں لوگ خرید و فروخت میں مصروف تھے۔
خبروں میں کہا گیا ہے کہ سعودی حکومت کے لڑاکا طیاروں کی بمباری میں بہت سی دوکانیں زمیں بوس ہوگئی ہیں اور درجنوں افراد ملبے تلے دبے ہوئے ہیں۔کہا جارہا ہے کہ سعودی جارحیت میں کم سے کم ساٹھ افراد شہید ہوئے ہیں جن میں متعدد خواتین اور بچے بھی شامل ہیں۔
اسپتال کے ذرائع نے بتایا ہے کہ دو خواتین سمیت چوبیس افراد کو عبس کے اسپتال منتقل کیا گیا ہے جن میں سے دو افراد زخموں کی تاب نہ لاتے ہوئے شہید ہوگئے۔
یمن کی وزارت صحت نےامدادی اداروں اور میڈیکل ٹیموں کو فوری طور پر حجہ پہنچے کی ہدایت جاری کی ہیں۔
سعودی حکومت اور اس کے اتحادیوں نے پچھلے ایک برس سے یمن کو اپنی وحشیانہ جارحیت کا نشانہ بنا رکھا ہے۔
چھبیس مارچ سنہ دو ہزار پندرہ سے جاری سعودی جارحیت میں ہزاروں بے گناہ یمنی شہری شہید اور زخمی ہوچکے ہیں جن میں خواتین اور بچوں کی بھی بڑی تعداد شامل ہے۔ یمن پر جاری سعودی جارحیت کے نتیجے میں اس غریب عرب اور اسلامی ملک کی اسّی فی صد بنیادی تنصیبات تباہ ہوگئی ہیں۔
source : abna24