طرطوس میں امریکی میزائل گر کر تباہ، ۵۹ میں سے ۲۳ میزائل الشعیرات ایربیس پر گرے

اہل بیت(ع) نیوز ایجنسی۔ابنا۔ سوشل میڈیا نے امریکی کروز میزائلوں کے بعض حصے کی شام کے علاقے طرطوس میں گر کر تباہ ہونے کی تصاویر شائع کی ہے۔
روسیہ الیوم کے مطابق، امریکی میزائلوں کے یہ بعض حصے طرطوس کے مضافاتی علاقے کرتو میں جا کر گرے ہیں۔
واضح رہے کہ امریکہ نے جمعہ کی صبح کو ۵۹ کروز میزائلوں سے شام کے الشعیرات ایربیس کو نشانہ بنا کر بین الاقوامی قوانین کی کھلی خلاف ورزی کی ہے۔
اس حملے کے نتیجے میں کئی افراد شہید اور زخمی ہوئے ہیں جبکہ ایربیس کو شدید نقصان پہنچا ہے۔
 اطلاعات کے مطابق، ۵۹ میزائلوں میں سے ۲۳ میزائل الشعیرات ہوائی اڈے پر گرے ہیں۔