بین الاقوامی: ڈنمارک کے دار الحکومت کوپن ھیگ میں مسجد امام علی (ع) کی توسیع کی جائے گی لیکن اس کے لیے ڈنمارک کے مسلمانوں کو ۲۵ سال انتظار کرنا پڑا۔
خبر رساں ایجنسی شبستان کی رپورٹ کے مطابق ڈنمارک کے مسلمانوں کی ۲۵ سالہ کوششیں آخرکار رنگ لائیں اور اب انھیں حکومت کی طرف سے اجازت مل گئی ہے کہ وہ کوپن ھیگ میں واقع مسجد امام علی (ع) کی توسیع کریں اس مسجد کے توسیع کے اخراجات وہاں کے مخیر مسلمان برداشت کریں گے۔
اس مسجد کی اسلامی طرز تعمیر کے مطابق توسیع کی جائے گی اِس مسجد پر ۲۴ میٹر اونچا گنبد اور ۳۲ میٹر اونچے دو مینار بھی تعمیر کیئے جائیں گے۔
یاد رہے کہ ۲۰۰۰ مربع میٹر زمین پر اِس مسجد کی تعمیر نو کی جا رھی ہے اور اس کی توسیع میں ۵۰ ملین کراؤن لاگت آئے گی۔
source : http://www.shabestan.net
