قرآنی: صوبہ مشرقی آذربایجان کے مساجد سینٹرزکی نگران کونسل کے سیکرٹری نے کہا ہے کہ عشرہ کرامت کی مناسبت سے اس صوبے کے مساجد سینٹرزکا قرآنی فیسٹیول منعقد ہورہا ہے۔
صوبہ مشرقی آذربایجان کے مساجد سینٹرز کی نگران کونسل کے سیکرٹری علی دانندہ نے تبریزمیں شبستان کے نامہ نگار سے بات چیت کے دوران اس صوبے کے مساجد سینٹرزکے قرآنی فیسٹیول کے انعقاد کی خبردیتے ہوئے کہا ہے کہ یہ فیسٹیول عشرہ کرامت کی مناسبت سے سات شعبوں میں منعقد ہورہا ہے۔
انہوں نے مزید کہا ہے کہ اس فیسٹیول میں قرائت، حفظ، اذان، ترتیل، تفسیر، مفاہیم قرآن ونہج البلاغہ اور نمازکے اذکار کی قرائت کے مضامین میں مقابلے منعقد ہوں گے۔
دانندہ نے کہا ہے کہ گزشتہ سال چھٹا فیسٹیول منعقد ہوا تھا جس میں ۱۳۰ افراد نے شرکت کی تھی اور ہماری یہ کوشش ہے کہ ہرسال اس فیسٹیول کی کیفیت کو بہتر سے بہتر بنایا جائے تاکہ یہ قرآنی ثقافت کی ترویج اور قرآنی امورکے ماہرین کے تعارف کا سنہری موقع بنے۔
انہوں نے مزید کہا ہے کہ اس مرحلے کے مقابلے میں نمایاں پوزیشن حاصل کرنے والے افراد کی قدردانی کے ساتھ ساتھ انہیں ملکی سطح پر منعقد ہونے والے مقابلوں میں شرکت کے لیے بھیجا جائے گا جوکہ زنجان میں منعقد ہوں گے۔
source : http://www.shabestan.net
