بين الاقوامی گروپ : صیہونی شہريوں نے ۱۱ اكتوبر بروز پير كو فلسطين كے علاقے الجليل كے دیہات «طوبا زنغريه» میں واقع مسجد كو نذر آتش كر ديا۔
ايران كی قرآنی خبر رساں ايجنسی (ايكنا ) نے لبنان سے نكلنے والے اخبار روزنامہ "الانتقاد" كے حوالے سے نقل كرتے ہوئے كہا ہے كہ مقامی ذرائع كے مطابق شدت پسند صیہونيوں نے «طوبا زنغريه» نامی دیہات میں كل صبح حملہ كر كے مسجد كو آگ لگا كر اس كے بڑے حصے كو منہدم كر ديا ۔
صیہونيوں نے مسجد كو منہدم كرنے سے قبل عبری زبان میں اس مقدس مقام كی ديواروں پر مسلمانوں كے خلاف وال چاكنگ بھی كی ۔
رپورٹ كے مطابق مسجد سے آگ كے شعلے بلند ہونے كے بعد «طوبا زنغريه» دیہات كے مكينوں اور صیہونی پوليس كے درميان شديد جھڑپیں بھی ہوئیں ۔
قابل ذكر ہے كہ اس سے پہلے رام اللہ كے نزديك واقع دیہات المغير میں بھی صیہونيوں نے ايك مسجد نذر آتش كر دی تھی ۔
source : http://www.iqna.ir