الاقصیٰ کے جنوب میں واقع ایک مسجد پراسرائیلی فورسزکا حملہ

خبررساں ایجنسی شبستان کی رپورٹ کے مطابق صیہونی حکومت کے نسل پرستی کے اقدامات کے بعد اسرائیلی فورسزنے گزشتہ رات مسجد الاقصیٰ کے جنوب میں واقع شہرسلوان کے علاقے راس العامود کی ایک مسجد پرحملہ کیا ہے۔
الاسلام الیوم کی رپورٹ کے مطابق عینی شاہدین نے کہا ہے کہ صیہونی سپاہیوں ںے نمازعشاء کے لیے آنے والے نمازیوں کی جامہ تلاشی لی ہے۔
صیہونی فورسز اوراسرائیلی پولیس نے آج صبح بھی سلوان شہر کے علاقے وادی حلوہ میں ۱۳سے ۱۷سال کے جوانوں کوگرفتارکرلیا ہے۔
مقبوضہ فلسطین اورخطے میں اسلامی بیداری میں اضافے کے خوف سے اسرائیلی فورسزنے قدس اوراس کے نواحی علاقوں میں سخت حفاظتی انتظامات کررکھے ہیں اوراس قسم کے اقدامات کےذریعے فلسطینیوں پردباؤ بڑھانا چاہتے ہیں تاکہ ممکنہ خطرات کواپنے آپ سے دوررکھ سکیں۔