کراچی؛ حب میں بم دھماکہ، تین اہلکار زخمی

کراچی کے قریب حب میں صدر مملکت ممنون حسین کے بیٹے طلعت ممنون کے قافلے کے قریب بم دھماکہ ہوا ہے، جس کے نتیجے میں تین اہلکار زخمی ہوگئے۔ میڈیا رپورٹس کے مطابق اتوار کی شام آر سی ڈی شاہراہ کے قریب حب میں جمعہ خان ہوٹل کے قریب موٹر سائیکل میں نصب ریموٹ کنٹرول بم کا دھماکا ہوا، بم صدر مملکت ممنون حسین کے بیٹے کے قافلے کو نشانہ بنانے کیلئے نصب کیا گیا تھا، دھماکے سے قافلے میں شامل تین سیکیورٹی اہلکار زخمی ہوئے، جنہیں ابتدائی طبی امداد کیلئے حب اسپتال منتقل کر دیا گیا۔ دھماکے میں صدر مملکت کے بیٹے طلعت ممنون محفوظ رہے۔ سیکیورٹی ذرائع کے مطابق دھماکے کے وقت ہوٹل پر بڑی تعداد میں لوگ موجود تھے، دھماکے کی آواز دور دور تک سنی گئی اور اطراف میں موجود دکانوں کی کھڑکیوں کے شیشے ٹوٹ گئے، کسی تنظیم کی جانب سے دھماکے کی ذمہ داری قبول نہیں کی گئی۔