افغانستان؛ صوبہ ننگرہار سے داعش کا خاتمہ

افغانستان کی فوج نے صوبہ ننگرہار میں مختلف کارروائیاں کر کے اس صوبے کے کئی علاقوں سے داعش سے وابستہ دہشت گردوں کا صفایا کر دیا-
ارنا کی رپورٹ کے مطابق افغانستان کی وزارت دفاع کے نائب ترجمان نے پیر کے روز اعلان کیا ہے کہ صوبہ ننگرہار کے مختلف علاقوں منجملہ بتی کوٹ، خوگیانی، شیرزاد اور شینوار میں گذشتہ دو روز سے فوج کی کاروائی جاری ہے- فوجی کارروائی کے نتیجے میں ان علاقوں سے داعش کے عناصر کا صفایا ہو گیا- افغانستان کی وزارت دفاع کے نائب ترجمان نے تاکید کے ساتھ کہا کہ افغان سیکورٹی اہلکاروں میں دہشت گرد گروہوں کا مقابلہ کرنے کی بھرپور صلاحیت پائی جاتی ہے-