رہبر انقلاب اسلامی کی موجودگی میں آیت اللہ واعظ طبسی کی مجلس ترحیم کا انعقاد

۔ انقلاب اسلامی اور امام خمینی کے سچے ساتھی عالم ربانی مرحوم آیت اللہ واعظ طبسی کی مجلس ترحیم آج بروز سنیچر بوقت عصر رہبر انقلاب اسلامی حضرت آیت اللہ العظمٰی خامنہ ای کی موجودگی میں حرم رضوی کے رواق امام خمینی (رہ) میں منعقد کی گئی۔
اس پروگرام میں رہبر انقلاب اسلامی کے علاوہ، مرحوم و مغفور کے خاندان والوں، عدلیہ کے سربراہ، علماء و فضلا، ملک کے اعلی حکام اور دیگر عوام نے شرکت کی۔
واضح رہے حرم مطہر رضوی کے متولی آیت اللہ طبسی ایک ہفتہ سانس کی تکلیف کے بعد گزشتہ روز جمعہ کو انتقال کر گئے آج صبح ان کی نماز جنازہ رہبر انقلاب کی امامت میں ادا کی گئی۔