|
وزیر ثقافت و ارشاد کے مشیر اور قرآنی سرگرمیوں کی ترویج کے ادارے کے سربراہ نے کہا: آئندہ سال کو سال قرآن کا نام دیئے جانے کا امکان ہے اور اسی مناسبت سے آئندہ سال ملک میں 20 قرآنی منصوبوں کے نفاذ کا پروگرام ہے۔
|
اہل البیت (ع) نیوز ایجنسی ـ ابنا ـ کی رپورٹ کے مطابق حجتالاسلام حميد محمدي نے اپنے دورہ اردبیل کے دوران کہا: گو کہ آئندہ سال (1389) کو باضابطہ طور پر سال قرآن کا نام نہیں دیا گیا ہے، تاہم ہمارا عزم ہے کہ آیندہ سال کو نزول قرآن کی 14 صدیاں پوری ہونے پر سال قرآن کے نام سے موسوم کیا جائے۔
انھوں نے کہا: مختلف منصوبوں اور تجاویز کے سانچے میں اس قومی پروگرام کی منظوری کے نتیجے میں گوناگون پروگراموں کا اعلان کیا جائے گا۔
انھوں نے ملک کے بعض علاقوں سے قرآن کے حوالے سے موجودہ محرومیوں کے خاتمے کے بارے میں پوچھے گئے ایک سوال کے جواب میں کہا: ان علاقوں میں قرآنی امور کو رونق بخشنے کے سلسلے میں مناسب پروگرام ترتیب دیئے گئے ہیں تا کہ گورنر ہاؤسز اور کمشنر آفسز کے ساتھ ہماہنگی کرکے اس قومی ظرفیت سی استفادہ کیا جا سکے اور ہم اپنی اس قابلیت سے عملی استفادہ کرنے کی بھرپور کوشش کررہے ہیں۔
