خانہ كعبہ كو آب زمزم اور كاشان كے عرق گلاب سے غسل

بين الاقوامی گروپ : خانہ كعبہ كو سال میں دو مرتبہ آب زمزم اور كاشان كے عرق گلاب سے غسل ديا جاتا ہے چنانچہ گذشتہ روز دوسری مرتبہ خانہ كعبہ كو غسل ديا گيا

بين الاقوامی قرآنی خبررساں ايجنسی ايكنا كی رپورٹ كے مطابق ہر سال خانہ كعبہ كو دو مرتبہ غسل ديا جاتا ہے چنانچہ اس رسم كے مطابق گذشتہ روز خانہ كعبہ كو آب زمزم اور كاشان كے عرق گلاب سے غسل ديا گيا۔

خبررساں ادارے محيط كی رپورٹ كے مطابق خانہ كعبہ كو غسل دينے كی تقريب میں مكہ كے امير خالد الفيصل بن عبد العزيز، مسجد الحرام اور مسجد البنی كے متولی صالح الحصين ، خانہ كعبہ كے پردہ دار سميت اسلامی ملكوں كے سفيروں نے شركت كی۔

رپورٹ كے مطابق خانہ كعبہ كو غسل كے دوران خانہ كعبہ كی ديواروں اور فرش كو آب زمزم اور عرق گلاب سے غسل ديا جاتا ہے۔

ياد رہے كہ ہر سال رمضان المبارك كے آغاز سے قبل اور محرم الحرام كے وسط میں خانہ كعبہ كو غسل ديا جاتا ہے اور ذی الحجہ كے آغاز سے قبل خانہ كعبہ كا غلاف تبديل كيا جاتا ہے۔