بین الاقوامی: مسلح افراد نے شام میں ایک مسجد پر حملہ کرکے اسے آگ لگادی اس حملے میں متعدد افراد ہلاک اور زخمی ہوئے ہیں۔
خبررساں ایجنسی شبستان کی رپورٹ کے مطابق شام کے شہر رستن میں مسلح افراد نے ایک مسجد اور اس میں موجود لوگوں پر حملہ کیا ہے اس حملے میں مسجد کو آگ لگادی گئی اور موجود افراد کو ہلاک اور زخمی کردیا گیا۔ اس حملے میں ہلاک اور زخمی ہونے والے افراد کی تعددا د معلوم نہیں ہوسکی۔
ذرائع کے مطابق گذشتہ ہفتے مسلح گروپوں نے دو سو افراد کو اغوا کیا جس میں پچاس فوجی بھی شامل ہیں انہیں ایک عمار ت میں بند کرکے اس عمارت کو بمب دھماکے سے تباہ کردیا گیا اس حملے میں تمام مغوی افراد ہلاک ہوگئے۔
شام کے ذرائع ابلاغ کے مطابق یہ سفاکانہ کاروائی اس وقت کی گئی جب سلامتی کونسل میں شام کے بارے میں اجلاس ہورہا تھا اور دکھایا گیا کہ یہ دو سو افراد شام کی مسلح افواج نے ہلاک کئے ہیں اور انہی افراد کی لاشوں کو میڈیا میں دکھایا گیا حالانکہ اس میں پچاس فوجیوں کی لاشیں بھی موجود ہیں۔
source : http://www.shabestan.net