لاہورمیں "حضرت سیدہ رقیہ بنت علی(ع)"کے موضوع پرسیمینارکا انعقاد

بین الاقوامی:پاکستان کے شہرلاہورمیں ۴مارچ کوبی بی پاکدامنہ کے نام سے معروف حضرت رقیہ بنت علی(ع) کے موضوع پرایک سیمینارمنعقد ہورہا ہے جس میں ایرانی خانہ فرھنگ اورملک کی علمی اورمذہبی شخصیات شرکت کررہی ہیں۔

خبررساں ایجنسی شبستان کی رپورٹ کے مطابق حرم بی بی پاکدامنہ کے مذہبی امورکی کمیٹی کی انچارج اورصوبائی اسمبلی پنجاب کی رکن عاصمہ ممدوٹ نے لاہورمیں ایرانی خانہ فرھنگ کے ڈائریکٹرعباس فاموری سے ملاقات کے دوران اس حرم کی تاریخ کا تذکرہ کرتے ہوئے کہا ہےکہ بی بی پاکدامنہ کے نام سے معروف حرم سیدہ رقیہ بنت علی(ع) ہزارسال سے زائد عرصہ سے زائرین اوراہل بیت علیہم السلام کی توجہ کا مرکز رہا ہے لیکن حکومت پنجاب کے عہدیداروں کی غفلت کی وجہ سے وقت کے گزرنے کے ساتھ ساتھ لوگوں نے حرم کے اطراف کی زمین پرقبضہ کیا ہوا ہے اوراس وقت حرم کےلیے فقط دوکنال کی جگہ باقی بچی ہے۔

اسلامی ثقافت وروابط آرگنائزیشن کے تعلقات عامہ کی رپورٹ کے مطابق انہوں نے مزید کہا ہےکہ بی بی پاکدامنہ کی مذہبی امورکی کمیٹی نے زائرین کی سہولت کے لیے ۲۰۰۶ء میں اس حرم کی تعمیر نوکےلیے اقدام کیا تھا اوراسے اطراف کی زمین کی ضرورت ہے لیکن اس مسئلے میں کامیابی نہیں ہوسکی ہے اورحکومت پنجاب کی جانب سے مایوسی کے بعد اس کمیٹی نے پاکستانی صدراوروزیراعظم سے مذاکرات کیے ہیں جس پرانہوں نے تعاون اورامداد کا وعدہ کیا ہے اورانہوں نے وزیراعظم کے فنڈ سے اس حرم کی تعمیرنو کے لیے رقم مختص کی ہے۔