امریکی عہدے داروں نے انکشاف کیا ہے کہ امریکی سی آئی اے نے گوانتانامو بے کے بہت سے قیدیوں کو اپنا ایجنٹ بنا کر واپس ان کے ملکوں میں بھیجا دیا تھا اور القاعدہ کے کارکن اب سی آئی اے کے ساتھ تعاون کررہے ہیں۔
ابنا: امریکی عہدے داروں نے انکشاف کیا ہے کہ امریکی سی آئی اے نے گوانتانامو بے کے بہت سے قیدیوں کو اپنا ایجنٹ بنا کر واپس ان کے ملکوں میں بھیجا دیا تھا اور القاعدہ کے کارکن اب سی آئی اے کے ساتھ تعاون کررہے ہیں۔ امریکہ نے ان ڈبل ایجنٹوں کی مدد سے ڈرون حملے کے ذریعہ القاعدہ کے کئی اہم رہنماوٴں کوہلاک کیا اطلاعات کے مطابق سی آئی اے کے لیے کام کرنے پر آمادہ قیدیوں کو بھاری رقم، آزادی اور فیملی کے تحفظ کا وعدہ دیا جاتا تھا۔ ان قیدیوں کو گوانتا ناموبے جیل ہی میں واقع ٹریننگ سینٹر میں تربیت دی جاتی تھی۔ امریکی عہدے داروں کے مطابق اس پروگرام کا آغاز جنوری 2003ء میں کیا گیا تھا۔ کئی قیدی سی آئی اے کا ایجنٹ بننے پر آمادہ ہوئے جنھیں خفیہ فنڈ سے لاکھوں ڈالر ادا کیے گئے۔ ان قیدیوں کو رہا کر کے واپس ان کے ملکوں کو بھجوایا گیا۔ امریکی عہدے داروں کا کہنا ہے کہ ان ڈبل ایجنٹوں کی نشاندہی پر ڈرون حملے کیے جاتے تھے جن میں القاعدہ کے کئی اہم رہنما مارے گئے۔
source : abna
