امریکہ شمالی کوریا کے بیلسٹک میزائیلوں کی رینج میں آگیا

کی رپورٹ کے مطابق کوریا کے سرکاری خبر رساں ادارے کے سی این اے کے مطابق میزائل ٹیسٹ تجربے کے وقت شمالی کوریا کے سربراہ کم جونگ ان نے خود اس تجربے کا سمندر سے مشاہدہ کیا ہے۔رپورٹ کے مطابق میزائل کے کامیاب تجربے نے ثابت کیا ہے کہ سمندر کے اندر سے فائر کیا جانے والا میزائل فوجی، سائنسی اور تکنیکی ضروریات پر پورا اُترتا ہے۔ شمالی کوریا کی جانب سے ٹیسٹ کئے جانے والے میزائل کے تجربے کی تاریخ کے حوالے سے اس رپورٹ میں کچھ نہیں کہا گیا ہے۔خیال رہے کہ شمالی کوریا پر ان دنوں اقوام متحدہ کی جانب سے بیلسٹک میزائل کے استعمال اور بنانے پر پابندیوں کا سامنا ہے۔شمالی کوریا کی جانب سے کئےجانے والے بیلسٹک میزائل کے تجربے پر امریکا نے کسی قسم کا رد عمل نہیں دیا ہے تاہم امریکا کا کہنا ہے کہ بیلسٹک میزائل کا استعمال اقوام متحدہ کی قراردادوں کی کھلی خلاف ورزی ہے۔امریکا کے اسٹیٹ ڈیپارٹمنٹ نے اپنی ایک ای میل میں شمالی کوریا کو متنبہ کرتے ہوئے کہا کہ وہ ایسے کسی بھی اقدام سے باز رہے جس سے کشیدگی میں مزید اضافہ ہوسکتا ہو۔ اسٹریٹیجک اور دفاعی امور کے ماہرین کا کہنا ہے کہ اگر شمالی کوریا نے ایسا تجربہ کامیابی کے ساتھ انجام دیا ہے تو اب امریکا اس کے میزائلوں کی حدود میں آگیاہے۔