یمن کے لئے ایران کی مزید امداد

کی رپورٹ کے مطابق ایران کی ہلال کمیٹی میں امدادی امور کے سربراہ ناصر چرخ ساز نے منگل کی رات ایک انٹرویو میں کہا کہ ایران کی ہلال احمر سوسائٹی یمن کے لئے فضائی راستے سے امداد پہنچانے کے لئے تیار ہے اور جنگ بندی کے بعد، پہلا ایرانی طیارہ بدھ کو جیبوتی سے یمن کے لئے انسان دوستانہ امداد لے کر روانہ ہوگا- ایران کی ہلال احمر سوسائٹی کے امدادی امور کے سربراہ نے کہا کہ یمن کے لئے دوسرے امدادی طیارے کی روانگی کے لئے بھی ضروری ہماہنگی انجام پا چکی ہے تاکہ یمنی عوام کے لئے ضروری دوائیں بھیجی جا سکیں- اس سے قبل عالمی ادارہ خوراک پروگرام کی ڈائرکٹر ارتارین کازین نے ایران کے نائب وزیر خارجہ امیر عبداللہیان سے فون پرگفتگو کرتے ہوئے یمن کے عوام کے لئے اسلامی جمہوریہ ایران کی غذا اور دوا پر مشتمل امداد بھیجنے کے لئے اقوام متحدہ سے وابستہ اس ادارے کی آمادگی کی خبر دی ہے- امیر عبداللہیان نے بھی اسلامی جمہوریہ ایران، عالمی ادارہ خوراک کی خدمات کو سراہتے ہوئے کہا کہ آئندہ چوبیس گھنٹوں میں عالمی ادارہ خوراک کے پروگرام کے تحت ایران کی ہلال احمر سوسائٹی کی امداد لے کر تین ایرانی طیارے یمن روانہ ہوں گے-