عراقی فوج اور رضاکروں کی الرمادی کی طرف پیشقدمی

موصولہ رپورٹ کے مطابق یہ پیش قدمی شمالی سیکٹر البوذیاب اور مشرقی سیکٹر حصیبہ اور المضیق سے کی جا رہی ہے۔ صوبہ الانبار کے الخالدیہ شہر کی کونسل کے سربراہ علی داؤد نے الرمادی آپریشن کے بارے میں کہا ہے کہ یہ پیش قدمی الرمادی کو داعش کے قبضے سے آزاد کرانے کے لیے ہونے والے فوجی آپریشن کے دوسرے مرحلے کا حصہ ہے۔ عراق کے وزیر دفاع خالد العبیدی نے بھی کہا ہے کہ عراقی فوج، پولیس اور عوامی رضاکار فورس نے الرمادی شہر کا مکمل محاصرہ کر کے اس کو آزاد کرانے کے آپریشن کا دوسرا مرحلہ شروع کر دیا ہے۔