کراچی سے ایک ماہ پرانی چار لاشیں برآمد

ڈون نیوز کے مطابق کراچی کے علاقے گڈاپ سٹی میں ایک ماہ پرانی چار لاشیں برآمد ہوئی ہیں۔

کراچی پولیس بتایا ہے کہ یہ لاشیں ایدھی ویلج کے قریب نیشنل ہائی وے اتھارٹی کی ایک ترک شدہ عمارت سے برآمد کی گئی ہیں۔

گڈاپ سٹی کے ایس ایچ او عبدالخالق مروت نے بتایا کہ یہ لاشیں تقریباً ایک ماہ پرانی ہیں کیوں کہ انہوں نے ڈھانچوں کی شکل لے لی ہے۔

انہوں نے کہا کہ بظاہر تمام افراد مرد دکھائی دے رہے ہیں۔ لاشوں کو پوسٹ مارٹم کے لیے عباسی شہید ہسپتال منتقل کردیا گیا ہے۔

گڈاپ سٹی شہر کے ان علاقوں میں شامل ہے جہاں سے ماضی قریب میں 'گمشدہ' افراد کی لاشیں برآمد ہوچکی ہیں۔