نائیجیریا میں سات سو سے زائد شیعہ لاپتہ ہیں

نائیجیریا کے شہر زاریا میں تقریبا ایک ماہ قبل فوج کے ہاتھوں اس ملک کے شیعہ مسلمانوں پر کئے گئے حملے میں جہاں سینکڑوں افراد شہید ہوئے وہاں سینکڑوں لاپتہ بھی ہوئے ہیں۔
نائجییریا کی اسلامی تحریک کے ترجمان ابراہیم موسی نے گزشتہ روز جعمرات کو اپنے ایک بیان میں اعلان کیا ہے کہ 12 دسمبر کو ہوئے سانحے میں 730 افراد لاپتہ ہوئے جن کی تاہم کوئی خبر نہیں ملی۔
انہوں نے اپنے بیان میں مزید کہا: ہمارے پاس ان افراد کی فہرست موجود ہے اور ان میں زن و مرد شامل ہے۔
ابراہیم موسی کے بیان میں مزید آیا ہے کہ یہ افراد یا تو فوج کے ہاتھوں شہید ہو چکے ہیں یا جیل میں قیدی ہیں لیکن ہمیں ان کی کوئی اطلاع نہیں ہے۔
انہوں نے مزید کہا کہ تقریبا اسلامی تحریک کے 220 افراد کاڈونا شہر کی جیل میں قیدی بھی ہیں۔
واضح رہے کہ 12 دسمبر کو نائیجیریا کی فوج نے زاریا شہر میں واقع امام بارگاہ بقیۃ اللہ پر حملہ کر کے سینکڑوں شیعہ مسلمانوں کو شہید جبکہ بزرگ عالم دین اور اس ملک کے شیعوں کے رہنما شیخ ابراہیم زکزاکی کو زخمی کرنے کے بعد گرفتار کر لیا تاہم ان کے بارے میں کوئی اطلاع نہیں ہے۔