نائیجیریا میں ہونے والے تازہ ترین تحقیقات کے مطابق، نائیجیرین فوج نے گزشتہ برس شمالی علاقے 'کادونائی' میں ہونے والے پرتشدد واقعات کے دوران 347 شیعہ مسلمانوں کا قتل عام کرکے ان کو اجتماعی قبروں میں دفن کردیا.
نائیجیرین آرمی پر 347 شیعہ مسلمانوں کے قتل عام کا الزام
فرانسیسی خبررساں ادارے کی رپورٹ کے مطابق، کادونائی صوبے میں قائم ہونے والی تحقیقاتی کمیٹی نے 193 صفحوں پر مشتمل رپورٹ شائع کی ہے جس میں کہا گیا ہے کہ نائیجیرین فوج نے شیعہ مسلمانوں کے خلاف تشدد کا استعمال کیا ہے.
اس تحقیقاتی کمیٹی نے ایمنسٹی انٹرنیشنل کی رپورٹ جس میں نائیجیریا کی فوج کو شیعہ مسلمانوں کے ہولناک قتل عام کا ذمہ دار قرار دیا کو تصدیق کرتے ہوئے اس واقعے کے ذمہ داروں کے تعین کا مطالبہ کیا ہے.
کمیٹی نے مزید مطالبہ کیا کہ شیعہ مسلمانوں کے قتل عام میں ملوث نائیجیرین فوج کے عناصر کی بهی شناخت کرتے ہوئے ان کو کیفر کردار تک پہنچایا جائے.
ایمنسٹی انٹرنیشنل نے اپنی تازہ ترین رپورٹ میں کیا ہے کہ نائیجیریا کی فوج نے گذشتہ برس میں شیعہ مسلمانوں کے مذہبی اجتماع پر فائرنگ کر کے 300 سے زائد بےگناہ لوگوں کا قتل عام کرنے کے بعد انہیں اجتماعی قبروں میں دفن کر دیا تها.
ایمنسٹی انٹرنیشنل نے یہ بهی کہا ہے کہ نائیجیریا کی فوج نے اس واقعے کے تمام شواہد بهی مٹا دیئے.
source : abna24
