بولیویا کے وزیر خارجہ نے ایک خصوصی تقریب کے دوران اسلامی جمہوریہ ایران کے وزیر خارجہ محمد جواد ظریف کو ملک کے اعلی ترین حکومتی ایوارڈ سے نوازا ہے.
ایران،بولیویا اقتصادی فورم کے اجلاس کی خصوصی تقریب میں بولیویا کے وزیر خارجہ ڈیوڈ چوکوہنکا نے اپنے ایرانی ہم منصب کو بولیویا کا اعلی ترین حکومتی ایوارڈ پیش کیا.
ایران،بولیویا اقتصادی فورم کے اجلاس میں دونوں ممالک کے 200 تاجر اور کاروباری افراد شریک تهے.
اسلامی جمہوریہ ایران کے وزیر خارجہ کا چارچ سنبهالنے کے بعد محمد جواد ظریف کا یہ لاطینی امریکہ کا پہلا دورہ ہے.
ایرانی وزیر خارجہ اور ان کے ہمراہ وفد بولیویا کے دورے کے بعد لاطینی امریکی ممالک کے دوروں کے آخری مرحلے میں آج ہفتے کے روز وینزویلا پہنچیں گے.
محمد جواد ظریف کا لاطینی امریکی خطے کے ممالک کے دورے کا مقصد ایران مخالف پابندیوں اور جوہری معاہدے کے نفاذ کے پس منظر میں اسلامی جمہوریہ ایران کے سیاسی اور اقتصادی تعلقات کو وسعت دینا ہے.
اسلامی جمہوریہ ایران لاطینی امریکی ممالک کے ساته تمام شعبوں میں کثیرالجہتی تعاون کا خواہاں ہے.
source : abna24