خطے میں قتل عام کا ذمہ دار امریکہ: امریکی دانشور

امریکی انسانی حقوق کی خاتون کارکن نے کہا ہے کہ خطے میں ہونے والے قتل عام اور انتہا پسندی کا ذمہ دار امریکہ ہے.

یہ بات امریکہ کی کوڈ پنک نامی انسانی حقوق کی مہم کی بانی میڈیا بینجمین نے ارنا کے نمائندے سے خصوصی گفتگو کرتے ہوئے کہی.

انہوں نے کہا کہ امریکہ جوہری معاہدے کے حوالے سے اپنے وعدوں پر عملدرامد نہیں کر رہا.

انہوں نے کہا کہ پہلے عراق اور اب شام اور یمن میں بچوں، خواتین اور بوڑهوں اور نہتے شہریوں کے قتل عام اور ان ممالک کی تعمیرات کو نقصان پہنچانے کا ذمہ دار امریکہ ہے.

انہوں نے کہا کہ سعودی عرب اور ناجائز صیہونی ریاست کو امریکہ جنگی ہتهیار فروخت کر کے اربوں ڈالر کما رہا ہے.

اس موقع پر انہوں نے مزید کہا کہ اب وقت بدل رہا ہے لوگ حقائق سے واقف ہو رہے ہیں اور اکثریت امریکی شہری اس بات کو جانتے ہیں کہ امریکی حکومت خطے میں قتل عام اور انتہاپسندی کی حمایت کر رہی ہے.

امریکہ کی کوڈ پنک نامی انسانی حقوق کی تنظیم صحت عامہ، تعلیم، ماحول دوست روزگار اور دیگر زندگی کی ضروریات کے حوالے سے بے گهر اور لاچار افراد اور خطے میں امن قائم کرنے کے حوالے سے اپنی خدمات پیش کر رہی ہے.