مسجد اقصیٰ کی بنیادوں کے نیچے اور قرب و جوار میں کھدائی کی کارروائیوں سے مسجد اقصیٰ کی شمالی دیوار میں خطرناک دراڑیں پڑ گئیں ہیں۔
مڈل ایسٹ اسٹڈی سینٹر کی رپورٹ کے مطابق مقبوضہ فلسطین میں مسجد اقصیٰ اور اسلامی مقدسات کی تعمیر و مرمت کے ادارے اقصیٰ فاونڈیشن نے انکشاف کیا ہے کہ مسجد اقصیٰ کی وضو گاہ کی جگہ پر دراڑیں سات میٹر لمبی ہیں۔ ان دراڑوں میں روز بروز اضافہ ہو رہا ہے۔ یہ دراڑیں مسجد اقصیٰ کے لیے شدید خطرہ ہیں۔
خبر رساں ادارے القدس پریس نے اقصیٰ فاونڈیشن کے حوالے سے نقل کیا ہے۔ مسجد اقصیٰ کی شمالی دیوار میں دراڑوں کی وجہ اسرائیلی حکومت کی جانب سے قریبی علاقے ”باب حطہ“ میں مسلسل کھدائی کا عمل جاری رکھنا ہے۔ بالخصوص زیر زمین راستہ بنانے کے لیے العمریہ اسکول کے نیچے کھدائی کی جارہی ہے جو مسجد سے چند میٹر کے فاصلے پر ہے۔
عینی شاہدین کے مطابق کھدائی کا عمل مسجد اقصیٰ کی حدود کے اندر ہو رہا ہے۔ عینی شاہدین کا کہنا ہے کہ ٹرکوں کے ذریعے روزانہ بڑی مقدار میں مٹی باہر لائی جاتی ہے۔
الاقصیٰ فاونڈیشن نے مسجد اقصیٰ کو بچانے کے لیے عالم اسلام کے فوری حرکت میں آنے کا مطالبہ کیا ہے۔
source : http://alqamar.info/2010/2010/02/11/%D9%85%D8%B3%D8%AC%D8%AF-%D8%A7%D9%82%D8%B5%DB%8C-%DA%A9%DB%8C-%D8%B4%DB%81%D8%A7%D8%AF%D8%AA-%DA%A9%D8%A7-%D8%AE%D8%B7%D8%B1%DB%81.html
