سعودی حکام نے گذشتہ کئی برسوں سے شیعیان اہل بیت (ع) کے خلاف اپنی ظالمانہ کاروائیاں جاری رکھتے ہوئے الاحساء کے علاقے میں غیرمعمولی گرفتاریوں کا سلسلہ وسیع تر کردیا ہے۔ اہل البیت (ع) نیوز ایجنسی ـ ابنا ـ کی رپورٹ کے مطابق 25 شیعہ باشندوں کو محرم و صفر کے دوران عاشورا کے پرچم اور علم اٹھانے کے الزام میں گرفتار کرلیا ہے۔ یہ افراد عدالت میں پیش کئے بغیر الاحساء کے عمومی جیلخانے میں منتقل کردیئے گئے ہیں۔ ان شیعہ نوجوانوں کو اسکولوں، دفتروں، یونیورسٹیوں سے یا گاڑیوں کی تلاشی کے دوران گرفتار کیا گیا ہے اور ان کی اوسط عمر 20 سال بتائی گئی ہے۔ یادرہے کہ سعودی حکام گذشتہ 5 برسوں کے دوران فرقہ وارانہ آزار و اذیت کی سطح وسیع کرتے ہوئے اہل تشیع کے خلاف استبدادی کاروائیاں جاری رکھے ہوئے ہیں۔ ان برسوں کے دوران شیعیان اہل بیت (ع) کی دسیوں مسجدیں، امامبارگاہیں، مدارس اور دینی مراکز بند کردیئے گئے ہیں مگر نہ تو فکر و رائے کی آزادی کے دعویدار ذرائع ابلاغ نے کوئی رد عمل دکھایا ہے اور نہ ہی نام نہاد بین الاقوامی انسانی حقوق کے اداروں نے اس ظلم پر کوئی آواز اٹھائی ہے۔
source : http://abna.ir/list.asp?lang=6&gid=0&pg=5
