اسرائیل نے دعویٰ کیا ہے کہ امریکی صدر نے مفادات کے تحفظ کی واضح یقین دہانی کرا دی ہے کہ مشرق وسطی کو ایٹمی اسلحے سے پاک کرنے کی پیشرفت سے تل ابیب متاثر نہیں ہوگا۔اسرائیلی وزیر اعظم نتن یاہو نے مستقبل کی فلسطینی ریاست غیر فوجی ہونے کی یقین دہانی بھی مانگ لی۔اسرائیلی حکام نے بتایا ہے کہ صدر اوباما نے دو ہفتے پہلے نتن یاہو کو ذاتی پیغام میں یقین دہانی کرائی تھی کہ مشرق وسطی کو جوہری ہتھیاروں سے پاک کرنے کی اقوام متحدہ کے تحت کوششیں اسرائیل کی اسٹرٹیجک ڈیٹرنس صلاحیت بڑھانے پر اثر انداز نہیں ہوں گی جبکہ اقوام متحدہ میں اسرائیلی مفادات کے لئے کوئی قرار داد بھی منظور نہیں ہوگی۔کینیڈا کے شہر ٹورنٹو میں وزیر اعظم بن یا مین نتن یاہو نے یہودی کمیونٹی سے خطاب کرتے ہوئے کہا کہ ایران کو ایٹمی ہتھیاروں کے حصول سے روکنا ہو گا اور خطے میں اس کا اثررسوخ کم کرنے کے لئے مستقبل کی فلسطینی ریاست غیر فوجی ہونی چاہیے ۔
source : http://www.urdutimes.com/international/35-general/41381-2010-05-31-10-12-07