اسرائیل کا وجود ختم کیے بغیر دنیا میں امن قائم نہیں ہو سکتا‘قاضی حسین

انقرہ(ثناءنیوز ) جماعت اسلامی پاکستان کے سابق امیرقاضی حسین نے کہاہے کہ دنیا میں فساد اور قتل وغارت کی جڑ ناجائز ریاست اسرائیل ہے ،جب تک یہ ختم نہیں ہوجاتی دنیا میں امن قائم نہیں ہوسکتا۔ ان خیالات کا اظہار انہوںنے انقرہ میں لاکھوں افراد کے احتجاجی مظاہرے سے خطاب کرتے ہوئے کیا،اس موقع پرانقرہ میں موجود امیر جماعت اسلامی آزاد کشمیرعبدالرشید ترابی نے بھی خطاب کیا۔قاضی حسین نے کہاکہ پوری پاکستانی قوم مظلوم فلسطینیوں کے ساتھ ہے۔اسرائیل کی دہشت گرد فوج نے امدادی قافلے پر حملہ کرکے اپنے بھیانک چہرے کو بے نقاب کیاہے ، اسلامی ممالک معصوم فلسطینیوںکی عملی مدد کیلئے لائحہ عمل واضح کریں۔اس موقع امیر جماعت اسلامی آزاد کشمیرعبدالرشید ترابی نے کہاہے کہ ترکی نے اس سے قبل بھی ملت کی خدمت اور امامت کی ہے اور آج بھی ترکی نے امدادی قافلے بھیج کر اپنی تاریخ دہرائی ہے۔تمام دنیا اسرائیل کا بائیکاٹ کرے اور ان ممالک کا بھی بائیکاٹ کرے جو اسرائیل کی دہشت گردی میں اس کی مدد کرتے ہیں۔