اسلامی کانفرنس تنظیم نے قرآن کریم کی شان میں ایک امریکی پادری کی گستاخانہ حرکتوں کی شدید الفاظ میں مذمت کی ہے ۔
ابنا: اقوام متحدہ کے ہیڈ کوارٹر میں oic کے رکن ملکوں کے نمائندوں کے ہنگامی اجلاس میں جاری کئے گئے بیان میں قرآن کریم کو آگ لگانے پر مبنی امریکی پادری کے نفرت انگیز اقدام کو انتہائی شرمناک اور متعصبانہ قراردیا گیا اور اس کی مذمت کی گئی۔ امریکی ریاست فلوریڈا کے ایک کلیسا میں واین ساب نامی پادری نے ایک اور شیطان صفت پادری ٹیری جونز کی سرپرستی میں اسلامی اقدار کی اہانت کرتے ہوئے قرآن کریم کو آگ لگائی ۔ اسلامی کانفرنس تنظیم کے بیا ن میں کہا گیا ہے کہ یہ انتہاپسندانہ اقدام ایک خاص تعصب کی علامت ہے اور او آئی سی اس طرح کے اقدام پر کلیسا جیسے مقدس مقام پر انجام دئے جانے پر افسوس کا اظہار کرتی ہے اسلامی کانفرنس تنظیم نے ساتھ ہی خبردار کیا ہے کہ اس طرح کے اقدامات عالمی امن وسلامتی کونسل کو نقصان پہنچاسکتے ہيں او آئی سی نے ساتھ ہی عالمی برادری سے بھی کہا ہے کہ وہ اس طرح کے اقدام کی مذمت کرے ۔
source : http://www.abna.ir
