آمریکہ میں اسماء حسنیٰ الہی کی نمائش کا انعقاد

بین الاقوامی : آمریکہ کی ریاست اوٹاکا میں اسلام کے بارے تحقیق کرنے والے ایک عیسائی ماہر آرٹ کی جانب سے اسماء حسنیٰ الہی کی نمائش لگائی جارہی ہے جس کا مقصد اسلامی اورقرآنی مفاہیم کی زیبایوں کوپیش کرنا ہے ۔

خبررساں ایجنسی شبستان کی رپورٹ کے مطابق آمریکی ریاست اوٹا کا ثقافتی جشن سینٹر یکم ستمبر کو ایک نمائش لگا رہا ہے جس میں قرآن کریم میں ذکر ہونے والے ۹۹اسماء حسنی الہی کو شیشے کے ۱۵مجسموں پر کندہ کاری کی صورت میں پیش کیا جائے گا۔

بریگم یونیورسٹی میں آرٹ کے پروفیسراور مقامی ماہرآرٹ اینڈروکوسورک نے نائن الیون کے واقعے کے بعد اسلام کے بارے مزید معلومات حاصل کرنے کے شوق کی وجہ سے اسلامی اورقرآنی مفاہیم سے الہام لیتے ہوئے آرٹ فن پاروں کی تخلیق کا فیصلہ کیا ہے۔

انہوں نے اس بارے میں کہا ہے کہ مذھبی آداب ورسوم مومن افراد کی بہتر انسان بننے کےلیے مدد کرتے ہیں اوریہ آداب ورسم بہترین دنیا کو وجود میں لاتے ہیں۔

کوسورک نے مزید کہا ہے کہ میں مسلمان نہیں ہوں بلکہ ایک عیسائی ہوں لیکن میں نے فیصلہ کیا ہے اس دین کا مطالعہ کروں جس پر بہت زیادہ تہمتیں لگائی جارہی ہیں۔

اسلامک سٹی سائٹ کی رپورٹ کے مطابق کوسورک نے فیصلہ کیا ہے کہ ۲۰۱۲ءکے اختتام تک وہ ۱۰۰آرٹ فن پاروں کی تخلیق کریں گے۔