سعودی عرب نے یمن کو خون کا حمام بنا دیا

اہل بیت(ع) نیوز ایجنسی۔ابنا۔ المسیرہ ٹی وی چینل نے فوری خبر دیتے ہوئے یمن کے شہر عمران پر سعودی عرب کے بہیمانہ حملوں کی رپورٹ دی ہے۔
اس رپورٹ کے مطابق، سعودی لڑاکا طیاروں نے گزشتہ روز بدھ کو یمن کے شہر عمران میں واقع ایک سیمنٹ کے کارخانہ پر حملہ کر کے 59 عام شہریوں کو شہید اور زخمی کر دیا جبکہ زخمیوں کے حالت انتہائی تشویشناک بتائی جاتی ہے۔
سیمنٹ کے کارخانے پر بمباری کی وجہ سے اطراف میں موجود گھروں کو بھی آگ لگ گئی جس کی وجہ سے کئی افراد آگ میں جل کر راکھ ہو گئے۔
سعودی جنگی طیاروں نے بچوں پر بھی ذرہ برابر رحم نہ کرتے ہوئے جبل الشرق کے علاقے وادی حباب میں سات بچوں کو شہید اور زخمی کر دیا ہے۔
المسیرہ ٹی وی نے مزید کہا ہے کہ یمن کے عوام کسی بھی صورت میں سعودی حکومت کے آگے تسلیم ہونے کی ذلت گوارا نہیں کریں گے اور اپنے خون کے آخر قطرے تک استقامت اور پائیداری کا ثبوت دیں گے۔
انصار اللہ کی خبری ویب سائٹ نے بھی خبر دیتے ہوئے کہا کہ آل سعود نے شہر نہم کے علاقے السد میں بھی ایک گھر پر حملہ کر کے پانچ بچوں اور دو خواتین سمیت نو افراد کو شہید کر دیا ہے۔
واضح رہے کہ یمن کے وزارت صحت نے اعلان کیا ہے کہ تاحال سعودی جارحیت میں سات ہزار سے زیادہ یمن کے عام شہری شہید اور 16 ہزار پانچ سو زخمی ہوئے ہیں۔