کویت میں مراجع تقلید کے نمائندے کی رحلت پر رہبر انقلاب کا تعزیتی پیغام

رہبر انقلاب اسلامی حضرت آیت اللہ العظمیٰ سید علی خامنہ ای نے کویت میں مراجع تقلید کے نمائندے آیت اللہ سید محمد باقر مہری کی رحلت پر تعزیتی پیغام ارسال کر کے مرحوم کے اہل خانہ اور تمام ملت کویت کو تسلیت پیش کی ہے۔
رہبر انقلاب اسلامی نے اپنے پیغام جو کویت کی اسلامی اتحادی تنظیم کے سکریٹری جنرل حجۃ الاسلام حسین معتوق کے نام ارسال کیا میں آیت اللہ سید محمد باقر موسوی المہری کی تبلیغ دین کے میدان میں بے شمار خدمات کی طرف اشارہ کرتے ہوئے انہیں کویت میں خیر و برکات کا منشا قرار دیا اور اس ملک کے مومنین، ان کے دوست و احباب مخصوصا مرحوم کے اہل خانہ کو تسلیت پیش کی اور مرحوم کے لیے بارگاہ خداوندی سے رحمت و مغفرت کی دعا کی۔