شیعہ مسلمانوں کے تحفظ کو یقینی بنانے کا مطالبہ

اطلاعات کے مطابق ہیومن رائٹس واچ نے اپنے ایک بیان میں کہا ہے کہ دو ہزار گيارہ میں اب تک پاکستان میں شیعہ مسلمانوں پر سولہ حملے کیے جا چکے ہیں اور حالیہ دنوں میں بلوچستان کے شیعہ مسلمانوں کو جس انداز میں نشانہ بنایا گيا ہے وہ اپنے شہریوں کو تحفظ دینے میں حکومتی عزم و ارادے پر سوالیہ نشان ہے۔
بیان میں کہا گيا ہے کہ حکومت کا فرض ہے کہ وہ اس گھناؤنے کام میں ملوث دہشت گرد گروہوں کے خلاف کارروائي کرے۔ بیان میں یہ بھی کہا گیا ہے کہ بعض شدت پسند تنظیمیں بلوچستان میں پاکستان فوج ، انٹیلی جنس اداروں اور ایف سی کی اتحادی تصور کی جاتی ہیں۔