بین الاقوامی: باخبرذرائع کے مطابق چین کی ۴۰۰سے زائد مساجد میں مسلمانوں کے لیے لائبریریوں کو تاسیس کیا گیا ہے جس کا مقصد نینگیشا کے مسلمانوں کی ترقی اورمطالعہ کے مواقع فراہم کرنا ہے۔
خبررساں ایجنسی شبستان کی رپورٹ کے مطابق چین کے شمال مغرب میں واقع خودمختارعلاقہ نینگشیا میں ۴۰۰سے زائد مساجد میں مسلمانوں کے لیے لائبریریوں کی تاسیس کی گئی ہے تاکہ مسلمانوں کے لیے مطالعےاورتحقیق کے مواقع فراہم کیے جاسکیں۔
چین کے مسلمان نشین علاقے ووٹشونگ کے حکام نے۲۰۱۰ءاور۲۰۱۱ء میں اس علاقے کی مساجد میں ۲۱۰لائبریریوں کی تاسیس کے لیے ۳۲۹۴۹۰لاکھ ڈالرمختص کیے ہیں۔
ان لائبریریوں کے لیے سماجی معارف، ثقافتی،دینی اورحقوقی موضوعات پرمشتمل ۵۰ہزارسے زائد کتابوں کی خریداری کی گئی ہے اور مقامی حکومت نے بھی ٹی وی اورڈی وی ڈی ان لائبریریوں کو فراہم کیے ہیں۔
اس شہرکی لیمینگ مسجد کے امام جماعت شائوچونگ نے اس حوالے سے کہا ہے کہ ان مساجد کی لائبریریاں، مسلمانوں کی معلومات میں اضافہ کرنے میں اہم کردار اداکرسکتی ہیں اور ان کی ثقافتی زندگی میں موثرواقع ہوسکتی ہیں۔
قابل ذکرہے کہ نینگیشا کا علاقہ واحد خودمختارعلاقہ ہے جس میں ھوی مسلمان آباد ہیں۔ اس علاقے میں۲۲لاکھ پچاس ہزارمسلمان زندگی گزاررہے ہیں کہ جو اس علاقے کی کل آبادی کا تیسرا حصہ ہیں۔
source : http://www.shabestan.net