قرآن کريم کي بے حرمتي مختلف ملکوں ميں احتجاج

اسلام آباد سے ہمارے نمائندے نے خبردي ہے کہ سيکڑوں کي تعداد ميں پاکستاني شہريوں نے اسلام آباد ميں آبپارہ چوک سے احتجاجي جلوس نکالا اور امريکي فوجيوں کے ہاتھوں قرآن کريم کي بے حرمتي جيسے گھناؤنے اقدام کي سخت الفاظ ميں مذمت کي -

مظاہرين نے امريکا اور امريکي صدر باراک اوباما کے خلاف زبردست نعرے لگائے مظاہرين کے اجتماع سے خطاب کرتے ہوئے جمعيت علماء اسلام فضل الرحمن گروپ کے سينئر رہنما سينٹر مولانا عبدالغفور حيدري نے امريکا کي اسلام دشمن پاليسيوں کي مذمت کرتے ہوئے کہاکہ اب وقت آگيا ہے کہ عالم اسلام امريکا کے ساتھ اپنے تعلقات پر نظرثاني کرے  - پاکستان کے سب سے بڑے شہر کراچي ميں بھي بڑي تعداد ميں لوگوں نے سڑکوں پر نکل کر افغانستان ميں  امريکي اور نيٹو فوجيوں کے ہاتھوں قرآن کريم کي بے حرمتي کے خلاف مظاہرہ کيا - بنگلہ ديش مليشياء اور انڈونيشا سے بھي اطلاعات ہيں کہ ان ملکوں کے عوام نے امريکي فوجيوں کے ہاتھوں قرآن کريم کي بے حرمتي کے خلاف شديد برہمي کا اظہار کيا  -

تہران کے خطيب جمعہ نے آيت اللہ سيد احمد خاتمي نے بھي نماز جمعہ کے خطبوں ميں  افغانستان ميں امريکي فوجيوں کے ہاتھوں قرآن کريم کي بے حرمتي کي شديد الفاظ ميں مذمت کي - انہوں نے افغانستان ميں امريکا کي شيطاني سازشوں کي جانب سے  ہوشيار  رہنے کي ضرورت پر زور ديتے ہوئے کہا کہ  امريکي فوجيوں نے جان بوجھ کر  افغان عوام اور مسلمين عالم کے جذبات کو مجروح کرنے کے لئے قرآن کريم کي بے حرمتي کي ہے - انہوں نے  اس واقعے پر بعض عرب حکومتوں بالخصوص سعودي حکومت کي خاموشي کي بھي  مذمت کي -