نجف اشرف میں حوزہ اور یونیورسٹی کے موضوع پرتیسرے بین الاقومی سیمینارکا انعقاد

خبررساں ایجنسی شبستان کی رپورٹ کے مطابق عراق کے شہرنجف اشرف میں حوزہ اوریونیورسٹی کا تیسرا بین الاقوامی سیمینارمنعقد ہورہا ہے جس میں لبنان، تیونس، سعودی عرب،ایران ،ترکی اورعراق کے محققین شرکت کریں گے اوراس بین الاقوامی سیمینارکے انعقاد کا مقصد موجودہ اسلامی تفکرکی پروڈکشن،نظریاتی اوراعتقادی چیلنجزکا مقابلہ کرنے اوراسلامی مذاہب کو ایک دوسرے سے نزدیک کرنے کےلیے حوزہ اوریونیورسٹی کے مابین تعاون کی بنیادوں کومستحکم کرنا ہے۔
الغری اسلامک انسٹی ٹیوٹ کے سیکرٹری جنرل شیخ قاسم الہاشمی نے خبررساں ایجنسی نون سے بات چیت کے دوران کہا ہے کہ محققین اس دوروزہ سیمینارمیں"مسلمان اورمستقبل، مسئلہ فلسطین، دنیا میں موجودہ تبدیلیاں اوراس کی دنیاے عرب اوراسلام کے مستقبل پر تاثیر، کیا بحرین نمونہ ہے، اکیڈمک تحقیقات میں حوزوی بحثوں کی تاثیر،اسلامی مذاہب کے مابین وحدت کے سلسلے میں حوزہ اورنیورسٹی کا کردار، ہدایت میں حوزہ اوریونیورسٹی کا کرداراورملتوں کے درمیان اسلامی بیداری کی حرکت کی حمایت جیسے موضوعات پربحث وگفتگو کریں گے۔
الہاشمی نے مزید کہا ہےکہ اس سیمینارمیں دینی مرجعیت کے کردار اورعراق کے مستقبل پراس کا موقف، دشمنوں کے گمراہ ذرائع ابلاغ کا مقابلہ کرنے میں حوزہ اوریونیورسٹی کا کردار اورہمسایہ ممالک کے مابین روابط کا استحکام جیسے موضوعات پربھی تبادلہ خیال کیا جائےگا۔