بین الاقوامی: مسجد الاقصی کے پہلے قاری قرآن شیخ محمد شبیب کا 79 سال کی عمر میں انتقال ہوگیا ۔
خبررساں ایجنسی شبستان کی رپورٹ کے مطابق مسجد الاقصی میں قرآن مجید کی تلاوت کرنے والے قاری شیخ محمد احمد شبیب نے گذشتہ روز 79 سال کی عمر میں داعی اجل کو لبیک کہا ہے۔اس مصری قاری کا انتقال مصر کے صوبہ دقہلیہ میں واقع "دندیط"نامی دیہات میں ہوا۔ مصر کے اس نامور قاری کو اس ملک کی وزارت داخلہ نے 1994ء میں ماہ مبارک رمضان میں تلاوت قرآن کریم کیلئے روم جانے کی پیشکش کی تھی لیکن انہوں نے اس پیش کش کو قبول نہیں کیا اور کہا میں اپنے ملک میں مصری شہریوں کے درمیان تلاوت قرآن کو ترجیح دیتا ہوں۔ پی ایل او کے سابق سربراہ یاسر عرفات کے زمانے میں فلسطین کی وزارت اوقاف نے شیخ محمد شبیب کو مسجد الاقصی میں تلاوت قرآن کی دعوت دی تھی۔ انہوں نے اس دعوت کو قبول کیا اور مسجد الاقصی میں فلسطینیوں کے درمیان قرآن مجید کی تلاوت کی۔
source : http://www.shabestan.net
