بین الاقوامی: تاجیکستان میں ایرانی کلچرل سنٹرکی کوششوں سے محمد رضا ناجی کی تالیف "کتاب" سامانی دور حکومت میں اسلامی تہذیب وتمدن" سیربلیک زبان میں ترجمہ ہوکرمنظرعام پرآگئی ہے۔
خبررساں ایجنسی شبستان کی رپورٹ کے مطابق محمد رضا ناجی نے اس کتاب کو ۹ابواب میں تحریرکیا ہے جن میں "سامانیوں کی سیاسی تاریخ"، سامانیوں کے دورحکومت کا سیاسی جغرافیہ"، عدلیہ اوراداری سسٹم، سماجی صورتحال، معاشی زندگی، معماری اورآرٹ، ادیان و مذاہب، تعلیم وتربیت اورتعلیمی ادارے اورسامانیوں کے دورحکومت میں رائج علوم جیسے موضوعا ت شامل ہیں۔
ناجی نے اس کتاب کے دیباچے میں لکھا ہے کہ سامانیوں کا دورحکومت اپنی تمام ترکمزوریوں اورخطاوں کے باوجود کچھ خصوصی اورمثبت پہلو بھی رکھتا ہے کہ سیاسی اورثقافتی لحاظ سے وہ قابل غور اورپیروی ہے۔یہ کتاب درحقیقتت ان بنیادی سوالات کا جواب دیتی ہے کہ سامانیوں کے دورحکومت کی تاریخ وتہذیب وتمدن میں موجودہ ایران کے لیے کیا پیغام ہے؟
یاد رہے کہ تاجیکستان میں ایرانی کلچرل سینٹرکے ڈائریکٹر محمد حسین امیراردوش کےتعاون سے ڈاکٹرسیف اللہ ملاجان،لقمان بایمت اف اورمحمود غیاث اف نے دوسال کی مدت میں اس کتاب کا سیربلیک زبان میں ترجمہ کیا ہے اورالہدی انٹرنیشنل پبلیکیشنز کے شعبہ تاجیکستان نے اسے شائع کیا ہے اورعنقریب تاجیکستان میں اس کتاب کی تقریب رونمائی منعقدہوگی۔
source : http://shabestan.net
